ქა

ინ

მადლობა შეტყობინებისთვის.

მოგვწერეთ.

როგორ მოვიზიდოთ ახალი მომხმარებელი მაშინ, როდესაც მას პირადად ვერ ვხვდებით?

მას შემდგომ, რაც პანდემიამ გაყიდვები ვირტუალურ სივრცეში გადაიტანა, B2B კომპანიები არსებულ მომხმარებლებს ვიდეოსა და ტელეფონის საშუალებით ეკონტაქტებიან. თუმცა პირადი შეხვედრების გარეშე, გაყიდვების მენეჯრებისთვის კომპლექსურ გამოწვევად იქცა ახალი აუდიტორიის მოზიდვა. შეზღუდული კომუნიკაციის პირობებში, დამკვეთებმა უკვე იციან სანდო მიმწოდებლების შესახებ, რომლებსაც ესმით მათი ბიზნესის საჭიროებები. შესაბამისად, ისინი მხოლოდ მსგავსი კომპანიის სერვისით დაინტერესდებიან და მოითხოვენ მათთან მოლაპარაკებას. მას შემდეგ, რაც ეს კავშირი შედგება რთულია მხოლოდ ვირტუალური კომუნიკაციით აქციო პოტენციური დამკვეთი ერთგულ პარტნიორად. ამ პროცესში შემდეგი გამოწვევები გაქვთ გადასალახი: უზრუნველყო მომხმარებლის საჭიროებები. ვირტუალური კომუნიკაციით შედარებით რთულია მიიღო ამომწურავი პასუხი კითხვებზე. განსაკუთრებით მეტი ძალისხმევა არის საჭირო მომხმარებლის საჭიროებების გამოსაკვლევად, რომელიც ხშირ შემთხვევაში ფარული და საკმაოდ კომპლექსურია. მოიპოვო მომხმარებლის ნდობა. პოტენციური დამკვეთი მეტად გახსნილი და გულახდილია იმ გაყიდვების მენეჯერთან, რომელსაც უკვე იცნობს ან რაღაც სახის ინფორმაცია აქვს მასზე. შესაბამისად, განსაკუთრებით მაღალი რისკების შემცველ გადაწყვეტილებებში, იმ პიროვნებას აქვს შედარებითი უპირატესობა, რომლის სამუშაო გამოციდლებაც და რეპუტაციაც დამკვეთისთვის ცნობილია. გესმოდეს მომხმარებლის ქცევა. ამა თუ იმ პროდუქტის შეძენის მაპროვოცირებელი მიზეზების დაზუსტებით ცოდნა განსაკუთრებით რთულია ვირტუალურ სივრცეში, სადაც გამყიდველი კომპანიაც და მომხმარებლის მიერ პროდუქტის შეძენის პროცესიც დაფარულია. ამ გამოწვევების გადალახვამდე საჭიროა ვუპასუხოთ მარტივ შეკითხვას. გაყიდვების სფეროს რომელ ნაწილზე უნდა დავხარჯოთ დრო? შემდგომი სამი მტკიცება დაგვეხმარება გავზარდოთ ჩვენი ეფექტურობა ვირტუალურ სამყაროში. ფოკუსირდით არსებული მომხმარებლის განვითარებაზე კომპანიები არასათანადო დროსა და ყურადღებას უთმობენ არსებულ მომხმარებლებს. მაშინ, როდესაც თქვენი გაყიდვების მენეჯერი, ვირტუალური კომუნიკაციის პირობებეში, პოტენციური მომხმარებლის მოზიდვით არის დაკავებული, თქვენი კონკურენტიც იმავეს აკეთებს. მხოლოდ ერთი განსხვავებით, ის თქვენი, უკვე არსებული, დამკვეთის გადაბირებას ცდილობს. აქედან გამომდინარე, ახლა საუკეთესო დროა ორმაგი ძალისხმევით იმუშაოთ თქვენი ერთგული კომპანიებისთვის და დაიწყოთ იმ მიზნების მიღწევა, რომლებიც ჯერ არ შეგისრულებიათ. ამასთან ერთად უნდა ეძიოთ მომსახურების გაფართოების გზები, ახალი მომსახურების დამატებით ან გეოგრაფიული არეალის გაზრდით. არ დახარჯოთ დრო აუდიტორიაზე, რომლისთვისაც თქვენი სერვისი “სასიცოცხლოდ მნიშვნელოვანი” არ არის იმ კომპანიაზე დახარჯული დრო, რომლისთვისაც თქვენი პროდუქტი აუცილებლობას არ წარმოადგენს ფუჭად დაკარგული დროა. განსაკუთრებით ვირტუალურ სამყაროში, სადაც ლიმიტირებული წარმატების შანსები, თავისთავად წარუმატებლობას უდრის. უფრო მეტიც, სერვისის მიწოდება იმ კომპანიისთვის, რომელსაც ის არ სჭირდება ასუსტებს გამყიდველის რეპუტაციას. ეს, თავის მხრივ, აფრთხობს მომავალ მომხმარებელს, რომლისთვისაც შესაძლოა მართლაც სასარგებლო და სასურველი ყოფილიყო თქვენი სერვისი. დიფერენიცრებული შეთავაზებები დაგეხმარებათ მიწვდეთ სწორ აუდიტორიას რაც უფრო მარტივია შეთავაზება, მით უფრო მეტია წარმატების შანსი. კრიტიკულად მნიშვნელოვანია, რომ თქვენი შეთავაზებები იყოს დანაწევრებული, ერთმანეთისგან გამოყოფილი და დამკვეთის სურვილებზე მორგებადი. რაც მთავარია, თქვენს მიერ შეთავაზებული სერვისი პოტენციური პარტნიორის არსებულ პრობლემებს მყისიერად უნდა წყვეტდეს და კომპანიის განვითარებას საგრძნობლად აჩქარებდეს. რეალურ ცხოვრებაში გაყიდვები მეტად ლმობიერი სფეროა ვიდრე ვირტუალურ სამყაროში. ნიჭიერ გაყიდვების მენეჯერი პირადი შეხვედრების დროს შეძლებს გამოასწოროს მოლაპარაკების დროს შექმნილი გართულებები, თუმცა ვირტუალური კომუნიკაციის დროს ეს გაცილებთ კომპლექსური საკითხია, რომელიც, არსებული რეალობის გათვალისწინებით, ახალი უნარების შეძენას მოითხოვს.